ਲਸ਼ਕਰਾਂ ਨੂੰ ਅਸ਼ਤਰਾਂ ਤੇ
ਲਸ਼ਕਰਾਂ ਨੂੰ ਅਸ਼ਤਰਾਂ ਤੇ ਸ਼ਸਤਰਾਂ ਦੀ ਲੋੜ ਹੈ।
ਗਿਆਨ ਦੇ ਪਰ ਮੋਰਚੇ `ਤੇ ਅੱਖਰਾਂ ਦੀ ਲੋੜ ਹੈ।
ਕਰ ਰਹੇ ਨੇ ਜ਼ਖਮਾਂ ਦੀ ਖੇਤੀ ਸਿਕੰਦਰ ਤੇ ਚੰਗੇਜ਼,
ਮਰਹਮਾਂ ਉਪਜਉਣ ਖਾਤਰ ਸ਼ਾਇਰਾਂ ਦੀ ਲੋੜ ਹੈ।
ਹਰ ਬਸ਼ਰ ਨੂੰ ਲੋੜ ਹੈ ਇਕ ਤਰਕ ਮੱਤੀ ਜੀਭ ਦੀ,
ਗੁੰਗੀਆਂ ਜੀਭਾਂ ਨੂੰ ਹੁੰਦੀ ਨਹੁੰਦਰਾਂ ਦੀ ਲੋੜ ਹੈ।
ਨਾ ਬਣਾਓ ਸ਼ਹਿਰ ਦਾ ਹਰ ਮੋੜ ਮਜ਼ਬੀ ਮੋਰਚਾ,
ਬਸਤੀਆਂ ਨੂੰ ਬੰਕਰਾਂ ਨਹੀਂ ਅਜ ਘਰਾਂ ਦੀ ਲੋੜ ਹੈ।
ਏਧਰ ਮੰਦਰ ਵਧ ਰਹੇ ਨੇ, ਓਧਰ ਚਰਚਾਂ ਮਸਜਿਦਾਂ,
ਦੁਨੀਆਂ ਦੇ ਹਰ ਰਾਜੇ ਨੂੰ ਪੂਜਾ ਘਰਾਂ ਦੀ ਲੋੜ ਹੈ।
ਸਰਵਰਾਂ ਸਭਨਾਂ ਦੇ ਪਾਣੀ ਕਾਇਆ ਤਕ ਮਹਿਦੂਦ ਹਨ,
ਆਤਮਾ ਜੋ ਧੋਣ ਉਹਨਾਂ ਪਾਣੀਆਂ ਦੀ ਲੋੜ ਹੈ।
ਜੋ ਕਿਤਾਬੀ ਕੀੜੇ ਡੁਬ ਗਏ ਡਿਗਰੀਆਂ ਦੇ ਨ੍ਹੇਰ ਵਿਚ,
ਉਹਨਾਂ ਨੂੰ ਫਿਰ ਗ਼ਜ਼ਲਾਂ ਵਰਗੇ ਅੰਬਰਾਂ ਦੀ ਲੋੜ ਹੈ।
ਲੋਕ ਦਿਲ ਦੇ ਦਰਦਾਂ ਦੇ ਸੰਗ ਮਿਣ ਕੇ ਪੜ੍ਹਦੇ ਹਨ ਗ਼ਜ਼ਲ,
ਫੇਲ ਫੇਲੁਨ ਫਾਇਲਾਤੁਨ ਸ਼ਾਇਰਾਂ ਦੀ ਲੋੜ ਹੈ।
ਬਹੁਤ ਹੋ ਚੁੱਕੀ ਨੀ ਦਿੱਲੀਏ ਬੰਦ ਕਰ ਇਹ ਮਸ਼ਕਰੀ,
ਸਾਨੂੰ ਅਜਕਲ੍ਹ ਮਸ਼ਕਰੇ ਨਈਂ ਰਹਿਬਰਾਂ ਦੀ ਲੋੜ ਹੈ।
ਏਧਰ ਮੰਦਰ ਵਧ ਰਹੇ ਨੇ, ਓਧਰ ਚਰਚਾਂ ਮਸਜਿਦਾਂ,
ReplyDeleteਦੁਨੀਆਂ ਦੇ ਹਰ ਰਾਜੇ ਨੂੰ ਪੂਜਾ ਘਰਾਂ ਦੀ ਲੋੜ ਹੈ।
ਪੱਥਰਾਂ ਨੂੰ ਭਗਵਾਨ ਬਣਾ ਰਹੇ ਹਨ !!!